gareth thomas

Llongyfarchiadau i cyn-gapten tîm rygbi Cymru, Gareth Thomas am ddod allan heddiw. Rwy'n poeni ychydig am ei fod wedi gwneud hynny yn y Daily Mail - dwi ddim yn deall pam dewis y papur arbennig hwnnw (sydd yn nodedig am argraffu yr erthygl hynod homoffobig am Stephen Gately).

Mi rydyn ni'n bell oddi yno ar hyn o bryd ond gobeithio rhyw ddydd na fydd hi'n destun newyddion fod chwaraewr rygbi (neu unrhyw berson arall yn myd chwaraeon) yn hoyw.

pigion 9/12

Mae Derek Brockway wedi bod yn dysgu Cymraeg yn ddiwyd ers rhai blynyddoedd, a mae e nawr wedi dechrau sgrifennu llyfrau Cymraeg i blant. Dwi wedi cael copi o'i lyfr cynta - Sblash gyda Fflap a Seren a fydd e'n anrheg dolig bach handi i fy nith dwi'n meddwl.

Os ydych chi'n ffan o Aneurin Barnard (pwy sy' ddim?) beth am bleidleisio iddo yng nghwobrau theatr 'WhatsOnStage'. Allwch chi bleidleisio fan hyn yn yr adran 'Best Actor in a Musical' (does dim angen i chi pleidleisio ymhob categori. Mae Rowan Atkinson ar y blaen ar hyn o bryd ond Aneurin yn ail haeddiannol.

pigion 16/11

Fe gyhoeddodd Nigel Owens ei hunangofiant yn Gymraeg llynedd a nawr mae fersiwn Saesneg wedi ei gyhoeddi. Rhywbeth i lenwi eich hosan dolig 'falle.

Roedd yna eitem bach diddorol yn y Guardian am waith Daniel Evans fel cyfarwyddwr artistig newydd y 'Sheffield Theatres'.

Ac yn ola' dyma dudalen gwe od iawn gyda cyflwynwyr Wedi 3 yn meimio i gân 'Fame'.

pigion

Yn ôl y DJ Chris Needs mae e wedi derbyn bygythiadau gan rai pobl yng Nghymru oherwydd ei rywioldeb. Mae'n drist i glywed hynny er ychydig yn anodd i gredu. Mae'r stori yma yn codi drwy gyd-ddigwyddiad pan fod Chris yn lansio ail rhan ei hunan-gofiant.

Ar drywydd gwahanol mae'r calendrau 'noeth' bob amser yn ffordd poblogaidd i godi arian a mae un newydd yn cael ei gyhoeddi ar gyfer elusen Tŷ Gobaith. Mi fydd yn cynnwys llun o'r canwr Mark Evans (hwre) a Stifyn Parri (ooooce).

Yn anffodus dyw'r lluniau ddim ar y we, ond mae hyn yn esgus i ni bostio cwpl o luniau perthnasol o Mark:

cofio gyda john davies

Dwi newydd sylwi fod y rhaglen Cofio wedi bod yn cyfweld John Davies - rhaglen sy'n cyfuno hen glipiau o'r archif a cyfweliad yn stiwdio. Yn ogystal a sôn am ei fagwraeth a'i waith academaidd mae e hefyd yn sôn am ei rywioldeb. Fe wnaeth e gyfweliad emosiynol gyda rhaglen Y Byd ar Bedwar pan benderfynodd 'dod allan' yn gyhoeddus.

Nid yn unig mae John Bwlchllan yn arwr am ein dysgu am hanes Cymru, mae'n arwr am allu siarad yn onest am ei rywioldeb hefyd a gobeithio addysgu rhai o'i cyd-Gymry. Os ydych chi tu allan i Gymru, gallwch chi wylio y rhaglen ar S4/Clic.

pobol y cwm a gwobr stonewall

Mae Pobol y Cwm wedi ei enwebu yng nghwobrau Stonewall eleni ar gyfer eu portread o gymeriadau hoyw fel Iolo a Gwyneth. Mi fydd rhaglen Wedi 7 yn darlledu yn fyw o'r gwobrau ar nos Iau. Fydd hi'n rhy gynnar yn y bore fan i'w wylio'n fyw felly dwi'n edrych ymlaen i weld y rhaglen bore fory ar Clic.

misfits

Dwi newydd ddarllen am y ddrama newydd ar E4 - Misfits. Un o'r prif actorion yn y gyfres yw Iwan Rheon (gynt o Pobol y Cwm a Spring Awakening). O'n i'n ffan o Skins er nad oeddwn i'n rhan o'r farchnad darged, a mae'r gyfres yma yn edrych yn eitha diddorol.

tipyn o drag

Dyma hysbys i ffilm annibynnol 'A Very British Cover-Up' am gystadleuaeth brenhinesau 'drag'. Mae'r cast yn cynnwys Gareth David-Lloyd o Torchwood a mae cameo diddorol gan Colin Charvis. Mae'r ffilm wedi ei ddangos mewn rhai llefydd fel Caerdydd yn barod ond dwi ddim yn gwybod lle arall fydd cyfle - bosib mai disgwyl am DVD fydda i.

iolo (nid yr un gyda shorts byr)

Dwi wedi bod yn gweithio tu allan i Gymru ers misoedd nawr a ddim wedi bod yn cadw lan gyda Pobol y Cwm. Felly dwi wedi colli dyfodiad y cymeriad hoyw newydd Iolo. Mae PyC wedi cynnwys nifer o gymeriadau hoyw yn y gorffennol chwarae teg ond falle wedi cadw at bortreadau fwy ystrydebol neu 'saff'.

Mae Iolo yn berson ifanc a golygus a mae hyn wedi denu sylw y bobl ar y fforwm 'Gays of Daytime' sy'n dilyn pobl hoyw mewn operau sebon ar draws y byd.

A mae rhywun wedi mynd i'r drafferth i roi cyfres o glipiau o Iolo ar YouTube. Ffordd hawdd o ddal fyny gyda'r stori felly!

'Doedd dim llawer o groeso i PyC yn Lloegr ond mae'n amlwg fod cynulleidfa parod ar gael yng nghweddill y byd.

geraint owen

Roedd yn flin iawn gen i glywed am farwolaeth sydyn Geraint Owen, actor dwi'n gofio fel Rod ar Pobol y Cwm. Mae'n wir i ddweud fod gen i ychydig o crush arno yn fy arddegau ar adeg lle nad oedd llawer o wynebau golygus ar S4C.

'Does dim syndod chwaith ei fod wedi cael ei ystyried ar gyfer rôl James Bond, nid ar chwarae bach mae hynny yn digwydd.

Pob cydymdeimlad i'w deulu.

deffroad y gwanwyn

O edrych allan y ffenest ar hyn o bryd, mae'n edrych yn bell o fod yn Wanwyn, ond be sydd gen i dan sylw yw'r sioe gerdd 'Spring Awakening' sydd ymlaen yn y West End o Chwefror 3ydd.

Mae dau actor o Gymru yn y ddrama, sef Iwan Rheon (pert) ac Aneurin Barnard (golygus). Mae yna wefan bach da i'r ddrama, lle gallwch chi weld fideos o'r broses castio ac yr ymarferion.





Efallai y fyddwch chi'n cofio Aneurin yn cymeryd rhan yng Nghân i Gymru rhai blynyddoedd yn ôl pan wnaeth y cyflwynydd resynu nad oedd o ychydig yn hynach (h.y. yn gyfreithiol). Fe aeth e ymlaen i ryw fath o yrfa gerddorol byr-hoedlog, ac yn ffefryn ar y rhaglen bop i plant - Popty, lle wnaeth e gyfweliad shocking mewn Scymraeg. 'Ta waeth, fyddech chi ddim yn cico fe mas o'r gwely am speako a bit of sisneg, fydde chi?

Mae Iwan wrth gwrs yn adnabyddus o chwarae'r cymeriad Macs ar Pobol y Cwm fel (sydd nawr yn cael ei actio gan ryw imposter). Mae 'e wedi bod yn gwneud ei farc hefyd ers graddio yn 2007.

(mi fydd eitem ar hyn ar Wedi 7 wythnos yma... stori am selebs Cymraeg yn Llunden fowr? Mae nhw yna! Edrych ymlaen i weld Aneurin yn siarad 'Cymraeg' eto).

haleliwia

Mae'n edrych fel mai fersiwn X-factor o gân Leonard Cohen - Hallelujah, fydd yn rhif un 'prydeinig' y Nadolig hwn. Ond dim ond fersiwn gwych Brigyn sy'n cael ei chwarae yn tŷ ni. Rwy'n gobeithio cael y CD fel anrheg Nadolig ond hoffen i un o fois Brigyn yn fy sach hefyd. Dwi ddim yn siwr pa un chwaith - ydi'n beth drwg i ddweud nad ydw i'n gwybod pa un yw Ynyr a pha un yw Eurig?

Mwynhewch y gân a dyma lle gallwch chi brynu'r CD.

8/8/8

Mae'r rhif 8 yn lwcus yn ôl ofergoelion y Tseiniaid, ac ar y dyddiad uchod yr agorwyd y Gemau Olympaidd. Ond roedd hi'n lwcus i fi hefyd - fore Gwener ges i sypreis wrth fynd ar y bys a gweld Matthew Rhys a'i rieni, ar y ffordd i'r maes i gael ei urddo. Neis gweld fod ei draed dal ar y ddaear.

Ychydig yn llwm oedd hi o ran sbotio selebs ar y maes, dyw hi ddim yn argoeli'n dda pan mae rhywun yn gweld "y boi na o Bobol y Cwm" ond yn methu cofio ei enw. Dwi ddim yn gwybod lle oedden nhw'i gyd - efallai fod y ffaith fod yr Eisteddfod yng nghanol Caerdydd yn golygu fod nhw gyd wedi dianc cyn gynted a gallen nhw i dafarndai a fariau'r brifddinas.

yn fy natur

Dwi'n siwr fyddwch chi'n gwybod fod Iolo Williams yn 'icon hoyw' (mae'n od mae Iolo eu hunan sy wedi codi'r pwnc). Mae Iolo nôl mewn rhaglen newydd wych ar BBC Wales o'r enw Not in My Nature, ond mae rheswm arall i wylio'r rhaglen, am fod y ciwti Lloyd o Bontardawe arno. Os mae dyna'r math o fywyd gwyllt sydd i'w weld yn Abertawe, fydd rhaid i fi fynd ar daith bleser yno'n amlach!

danteithion y dydd

Mae'r deintydd yn le anarferol i sbotio selebs, ond dyna'n union wnaethon ni yr wythnos 'ma. Y cynta oedd un o sêr cyfres ddiweddaraf 'Ladette to Lady', y model fronnog Kely Simpson, sydd hefyd yn llwyddo cael rhyw ran o'i chorff yn y tabloids bob wythnos.

Yr ail oedd cyn-faswr Cymru, Arwel Thomas. Roedd e yno gyda'i waith yn hytrach nag i gael triniaeth. Pan oedd e'n chwarae i Gymru, roedd Arwel yn arloeswr - ie cyn Henson, Peel a neb arall, roedd gan Arwel 'ddilyniant hoyw' (o leia ymysg rhai o fyfyrwyr Aber) felly. Fe greuwyd gwefan i'w glodfori, yn llawn lluniau ohono. Mae'n biti nad ydyn ni'n gweld fwy o Arwel ac yn anffodus sdim unrhyw olion o'r wefan erbyn hyn chwaith.

nigel ar y brig

Llongyfarchiadau i'r dyfarnwr Nigel Owens am ennill personoliaeth chwaraeon y flwyddyn yng ngwobrau Stonewall neithiwr yn Llundain. Mae wedi bod yn wych i weld sut mae Nigel wedi gallu bod yn ddyn hoyw agored ym myd macho rygbi Cymru a gobeithio fydd e'n annogaeth i gael cymdeithas fwy goddefol yn y byd chwaraeon a meysydd eraill yng Nghymru.

A Nigel, os wyt ti'n darllen... ebostia os ti'n ffansi sgrym fach rhywbryd..

lawr yn mexico

Wel fe ddaeth y diwrnod mawr i Ioan ac Alice 'te, gyda'i priodas 'dawel' yn Mexico. Ni fydd yna luniau 'swyddogol' ond diolch i rywun a'i ffôn-gamera mae ganddon ni rhyw syniad o sut aeth hi.

Mae Ioan yn edrych yn smart ond dwi ddim yn gwybod pam fod e'n edrych yn grac yn y llun 'ma. Mae Alice yn edrych yn hyfryd fel arfer, gyda'i bouquet mewn un llaw a ffag a tequila yn y llall.

Ry'n ni ychydig yn siomedig nad oes unrhyw luniau o'r gweision priodas yma - Math ac Alun - ond 'na fe, rhaid disgwyl am y Wedi 7 'eglwsif'.

Mwy o luniau

y bys i'r bae

Ie, felly, y diwrnod o'r blaen wnes i dreulio amser yn ardal Parc Cathays a Neuadd y Ddinas. Ac wrth weld y bys bach yn mynd a dod, wnes i ddechrau cyfansoddi rhyw rigwm bach plentynnaidd yn fy mhen.

Ac wrth weld y stori yma heddiw, daeth e nôl i'r cof (i diwn 'olwynion ar y bys').

Mae bys y Cynulliad yn mynd ar daith,
O Barc Cathays, i lawr i'r Bae.
A wedyn mae'r bys yn dod yn ei ôl,
O Fae Caerdydd, lan i Barc Cathays.

Mae bys y Cynulliad yn mynd rownd a rownd,
rownd a rownd, rownd a rownd.
Mae bys y Cynulliad yn mynd o Gathays,
I lawr i'r Bae, reit drwy y dydd.

Mae'r gweision sifil yn mynd ar daith,
O si-pi-tw i'r Senedd-dy,
Mae bys y Cynulliad yn enghraifft gwych,
o arian cyhoeddus, o ein harian ni.

Mae bys y Cynulliad yn mynd ar daith,
I lawr i'r Bae, a nol i'r dre.
Mae bys y Cynulliad yn mynd ar daith,
Rownd a rownd mae'n mynd o hyd.

Mae gyrrwr y bys yn ddiflas iawn,
Yn mynd rownd a rownd, a rownd a rownd.
Mae'r bys yn wag, ond mae'n dal i fynd,
Rownd a rownd, rhwng y Bae a'r dre.

danfael

O'n i lawr yng Nghaerdydd echddoe, ar fusnes. Tra'n sefyllian yn ardal Parc Cathays weles i fy hoff actor, Daniel Evans yn cerdded o gyfeiriad y Coleg Cerdd a Drama (fy hoff actor heblaw Matthew Rhys wrth gwrs, ond mae Dan yn fwy o ddyn theatr, felly rhaid gwahaniaethu rhwng fy hoff actor theatr/ffilm a teledu).

Roedd e'n foel a barfog - fel mae e wedi bod ers sbel - ddim cweit i safon Dogfael eto ond mae e ar y ffordd.

Ar y chwith mae Daniel yn dangos y wobr Laurence Olivier a ennillodd am yr actor gorau yn gynharach eleni.



Dyw e ddim yn cuddio'r ffaith ei fod yn colli'i wallt, sy'n beth da, ond dwi'n hiraethu am ei wallt. Dwi'n cofio bod yng nghefn capel adeg Eisteddfod Cwm Rhymni yn gwylio rhyw ddrama gyda Daniel a nifer eraill aeth mlaen i enwogrwydd (neu ddim). Es i i'r ty bach yn yr egwyl a roedd rhaid cerdded drwy'r festri, lle roedd y cast yn hanner porcyn yn newid eu gwisgoedd.

Ond am y gwallt.. wel i gloi dyma llun pert o Daniel yng nghynhyrchiad y Theatr Genedlaethol (Lloegr) o Peter Pan, gyda Ian McKellen. Gwalltgo!

cyfweliad math

Yn parhau fy obsesiwn gyda Matthew Rhys, dyma gyfweliad gyda fe yn trafod ei rôl yn nrama ABC, Brothers and Sisters. 'na gyd.